3 bro’s life

今日一起身.. 個天已經黑晒… 攪到個人都灰爆.. 冇咩好做… 巡例上下網搵人爹兩句咁… 之後peony msn左我… 傾左己句之後我就問佢有冇興趣睇戲…. 一句ok我就拿拿林去訂飛.. 出到中環諗住去睇下波鞋… 點知大雨程度簡直係.. 用恐怖黎形容… 結果係mtr到等… peony到左就一齊去左cwb食飯… 出面超大雨所以都係係Times Square到食

見到門後好似有人已經等緊位.. 心諗應該要等.. 點知兩位既.. 就已經可以即入.. very good, 我地即時落單叫野食…. 有雞絲粉皮, 雲飩雞, 唔知咩紅燒豬肉…正!

邊食邊傾已經差唔多夠鐘睇戲… 賣單走人… 落到去囉飛入場arm arm 好

Street Kings 係講美國警察入面既corruption… 十分之黑暗既世界.. 套戲幾好睇.. 不過只係覺得一節又一節.. 好似拖耐左小小咁 haha.. 亂咁評戲.. 睇完就送peony返屋企.. 我就自行回家…. 今日沈小姐真係比面啦.. 打風黑雨都陪我睇戲食飯~~~ 下次希望唔會再黑雨啦 hehe

返到黎… 上上下網… 突然爆左聲.. 發現個窗爛左… 唔知係咪大風定咩.. 但係碎既.. 係室內個邊… 我諗住清理d玻璃時.. 唔小心戒到… 真係唔小心…

都有段時間冇見Felix, Jacky, Alice… 今次能夠約到咁多位同時間出年… 真係好難得架… Jacky就快畢業… 佢既讀書生涯終於攪惦.. 準備幫人剝牙而我終於等到哩日 hahaa.. Felix就同個大富豪冇分別.. 又買新車, 買樓…. d錢都唔知點黎 hahaa Alice呢就好似好累咁… 可能比屋企d昆蟲纏繞住攪到好似冇咩精神咁…

今日去左扈江食上海野…都唔知揀上海野係咪有咩意義

今晚d野都好好食..好滿意 XD

每位既近照 XD