3 bro’s life

一年搬一次office…好老實講..真係唔係咁好玩。d人問嘩你上年唔係搬左新office咩.. 做咩又搬呀，我唯有同d人講，公司d錢太多.. 決定用咁d.. 所以又搬.. 買d新既野.. 尷平尷賤咁賣左佢…

經過兩星期努力執野搬野終於到落左腳，個office d運作叫做穩定d, 我先有時間寫下blog…

哩到就係我坐既房間 @@

一遍混亂,個個係到執野….

到正搬個日… 我, winson, 坤哥都係最辛苦個幾個… 朝早9點攪到夜晚7點幾…辛苦完一輪，我就同坤哥去左公司附近一間食拉麵既地方休息下

今年終於去到公司比較大規模d既廠.. 同我之前去過3間可樂廠好大分別, 第1次間廠係係市中心.. 大連比我個感覺有d似青島咁.. d建築都係有d外國feel~~

第1日收工後… 返返酒店休息左一陣.. 我就落左街..  住個到下面就係步行街，下面好多好多野食.. 真係花多眼亂

食完野之後.. 再行下附近一帶有咩睇… 去到中山廣場，有好多銀行係到，而d建築都係好western.

見返係青島差唔多冇見半年既同事.. 感覺非常之好!!

我地開會外面就可以打golf… 不過超熱… 都係留係入面好d

夜晚食飯有team building.. 大家都玩得好開心

今次黎開會.. 揀左個到度假村開會… 個到離機場十分之遠… 答左三舊水的士.. 途中影左幾張magic

返到公司… 今日天氣十分之好.. 有藍天又涼爽, 真係冇得頂..

lunch就黎試下廠既食堂係咩回事… 一個字.. 辣.. 基本上.. 3樣送都係辣既

工作十分之順利.. 哩邊冇咩大件事…. 之後夜晚同事帶我去食飯… 又食又飲…返黎要跑多幾廿個圈先得

由上海飛去昆明需要3個小時.. 一落機就落雨… 真掃興,係昆明市可以見到d人個d皮膚都比較黑黑地… 去到市中心.. 都可以見到香港一般既連鎖店

check in晒之後.. 落街行下.. 結果.. 第1晚食左.. 味千拉麵 -_-

今日答8am機.. 所以神早要起身… 真要多謝公司個同事.. 咁早都車我去機場.. 佢地真係超好客
太原機場真係好舊下.. 不過我見到已經開始起緊新翼… 應該靚d啦掛 XD

今日坐海南航空, 同平時坐 KA/CX/MU個d…唔同.. 特別個係佢地like用lunch box.. d咖啡.. 冇得自己加奶/糖..  佢地落晒比你

明明飛機上見到好光下… 點知落機就超大雨… 返到hk先知今日黑雨添…